ಸತ್ಯ ಮತ್ತು ಸೌಂದರ್ಯ

ಸತ್ಯವು ಹೇಗೆ ಸಾಪೇಕ್ಷವೋ ಹಾಗೆ ಸೌಂದರ್ಯವೂ ಸಹ. ಅದರಲ್ಲಿ ನಿರಪೇಕ್ಷವಾದ ಯಾವುದೇ ಗುಣಗಳಿರುವುದಿಲ್ಲ. ಸೌಂದರ್ಯವು ಆಯಾ ಕಾಲ, ಆ ಘಟ್ಟದ ಸಾಮೂಹಿಕ ಗ್ರಹಿಕೆ, ತನ್ಮೂಲಕ ಉಂಟಾಗುವ ಪ್ರಜ್ಞೆ, ಅವು ರೂಢಿಸಿಕೊಳ್ಳುವ ಮೌಲ್ಯಗಳನ್ನು ಅವಲಂಬಿಸಿರುತ್ತದೆ. ಹೀಗೆ ಸಾಗುವ ಸೌಂದರ್ಯ ಲಹರಿ, ತತ್-ಕಾಲಿಕವಾಗಿದ್ದು ಚಲನಶೀಲ ಗುಣವನ್ನು ಹೊಂದಿರುತ್ತದೆ; ಹಾಗಾಗಿ, ಯಾವುದು ಚಲನಶೀಲವೋ ಅದು ನಿರಂತರವಾಗಿರಲು ಸಾಧ್ಯವಿಲ್ಲ. 

 ಒಟ್ಟಾರೆ, ವಸ್ತು ಪ್ರಪಂಚದಲ್ಲಿ ಸೌಂದರ್ಯವೆನ್ನುವುದು ಮಿಥ್ಯ. ಆದರೆ, ನಾವು ಅಂತರ್ಮುಖಿಯಾಗಿ ಅಂತರಂಗವನ್ನು ಹೊಕ್ಕು ಮಥಿಸಿದರೆ ನೈಜ ಸೌಂದರ್ಯದ ದರ್ಶನವಾಗುತ್ತದೆ. 

ಹೀಗಾಗಿ, ನಮ್ಮ ಸದ್ಗುಣಗಳೇ ನಮ್ಮ ನೈಜ ಸೌಂದರ್ಯ.